D’.dok team, dat sitt Dir!

Mir si just do fir Iech ze hëllefen, fir Iech ze beroden an Iech all Contrainten, Suergen a Problemer ofzehuelen, déi Iech d’Freed um produzéieren a weisen eventuell verdiewe kéinnten.

Mir sin  nëmmen zu 2, déi sech op benevoler Basis fir de Projet asetzen. 2 Leit, déi hiert ganzt (berufflecht) Liewe laang am Domaine vun der Telee geschafft hunn. 2 Leit mat ganz ënnerschiddlechen, an dofir komplementären Experienzen a Kompetenzen.

De Maurice Molitor, Journalist, huet 10 Joer laang an der Noriichte-Redaktioun vun RTL Télé Lëtzebuerg geschafft, ier en an d’Chamber gang ass, fir sech do ëm d’Öffentlechkeets-Aarbecht an ëm Chamber TV ze bekëmmeren.

D’Martine Colling war laang Joere bei RTL zoustänneg fir d’Relatioune mat der Eurovisioun, ier et – bei RTL, duerno bei Tango TV - am administrative Beräich vun der Televisioun geschafft huet. Niewt .dok profitéiert haut och nach eng TV-Produktiouns-Gesellschaft vu sengen Erfahrungen aus 20 Joer Televisioun.